Privivka yasatmağan keşelärgä turıdan - turı däwlät xezmätläre kürsätelmäyäçäk

Keniya xökümäte şundıy qarar qabul itkän

1736855
Privivka yasatmağan keşelärgä turıdan - turı däwlät xezmätläre kürsätelmäyäçäk

Könçığış Afrika ile Keniyädä xakimiyät Kovid -19 ğa qarşı privivka yasatmağan keşelärgä turıdan - turı däwlät xezmätläre kürsätelmäyäçägen belderde.

Keniya sälamätlek saqlaw särqätibe Mutaxi Kagve matbuğat äğ’zalarına xökümätneň barlıq keniyälelärneň sälamätlegen saqlaw öçen koronavirusqa qarşı köräştä radikal’ qararlar qabul itüen citkerde.

Kagve: “31 nçe dekabr’dän başlap härkem vakśina yasatu turındağı dokumentların kürsätmäsä, turıdan - turı däwlät xezmätennän faydalana almayçaq”,- dide.

Kagve privivka yasatıp xalıq sälamätlegen genä tügel, ä il iq’tisadın da saqlap qalırğa telägännären iskärtte.

Keniyädä xäzergä qadär koronavirustan 5 meňnän artıq keşeneň ğomere özelde, anı yoqtıruçılar sanı 255 meňgä yaqınlaştı.



Bäyläneşle xäbärlär