Xalıq Xafter häm Kaddafiğa qarşı

Liviyädä ilbaşı saylawları aldınnan kiyerenkelek arta

1736424
Xalıq Xafter häm Kaddafiğa qarşı

Liviyada yözlägän keşe qanunsız qorallı köçlärneñ atamanı Xalifä Xafter häm tüntärelgän lider Muammar Kaddafinıñ ulı Säysülislam Kaddafinıñ ilbaşı saylawında kandidat buluına rizasızlıq belderde. Çaralar ilneñ Tripoli häm Misrata qalalarında oyıştırıldı.

Tripolida protestçılar Şähitlär mäydanında cıyıldı. Alar “Kandidatlarğa yuq dibez” yazulı plakatlar, öste sızılğan fotolar kütärep Xafter häm Kaddafinıñ ğarizaların ğamäldän çığarunı taläp itte. Monnan tış, “Üterüçelär ilbaşına kandidat bula almas”, “Konstituśiyäsez saylawlar suğış çığarır” digän yazular belän rizasızlıqların belderdelär. 

Misrata şähärendä demonstraśiyägä çıqqan yözlägän keşe dä “Saylawlarğa – äye, cinayät’çelärgä – yuq” şiğar’läre belän Xafter häm Kaddafinıñ kandidatlığına rizasızlıq belderde.

Liviyädä ilbaşı saylawlarına êlekkege êçke êşlär ministrı Fätxi Başağa häm Tobruk wäqalätlelär mäclese räise Akila Salix ta namzätlären çığardı. Monnan tış, xökümät räise Abdulxämit Dibäybäneñ yaqın könnärdä kandidaturasın açıqlawı kötelä. Ğarizalar 22nçe noyabr’gä qadär qabul itelä.

Liviyädä ilbaşı saylawları 24nçe dekabr’gä bilgelängän.



Bäyläneşle xäbärlär