"Keşelär ğalämdä tuaçaq"

Amerika texnologiyä şirkäte Amazonğa nigez salğan Djeff Bezos keşelärneñ kiläçäktä ğalämdä tuaçağın häm zur śilindrlarda yäşäyäçägen söyläde. Ul, bilgele bulğança, “Blue Origin” firması belän ğaläm êşçänlekläre alıp bara. Milliarder keşelekneñ Cirdän çittä koloniyä tözü tırışlıqları xaqında fikerlären belderde.

Bezos äytüençä, kiläçäk ğasırlarda ğalämdä 1 million keşe sıydırışlı zur śilindrlar bulaçaq. Anda Cirdäge sıman yılğalar, urmannar häm qırğıy tormış belän gravitaśiyä buldırılaçaq.  

“Ğasırlar uzğannan soñ bik küp keşe ğalämdä tuaçaq, bu urınnar alarnıñ berençe öyläre bulaçaq. Alar şul koloniyälärdä tuaçaq, yäşäyäçäk häm, sez Milli parklarğa barğan şikelle, Cirne qararğa kiläçäk,”-dip söyläde amerikalı milliarder.