45 million keşe açlıq çigendä

Dön'yaküläm qıtlıq zur tizlek belän arta

1731150
45 million keşe açlıq çigendä

43 däwlättä açlıq çigendä bulğan keşelärneñ sanı kinät başlanğan qıtlıq arqasında 45 millionğa citte.  Bu xaqta BMOnıñ Bötendön’ya azıq-tölek programması citkerde. Älege san yıl başında - 42 million, 2019nçı yılda isä 27 million bulğan.

Global’ bularaq qıtlıqqa çik quyu öçen kiräkle summanıñ isä 6,6 milliard dollardan 7 milliardqa citüe dä äytelde.

BMO belderüendä yıl êçendäge 3 millionğa artunıñ, başlıça, Äfğanstan belän bäyle buluı äytelä. Êfiopiyä, Gaiti, Somali, Angola, Keniya häm Burundidağı yarlılıq isä ähämiyätsez külämdä kübäygän: 60 meñnän 240 meñ keşegä.

Bötendön’ya azıq-tölek programması başqarma mödire Dêvid Besli distälägän million keşeneñ açlıq digän upqın qırında toruın belderde. Alarnı moña bäreleşlär, klimat üzgärü häm Kovid-19 kiterep citkergän.

“Yağulıq bäyäläre arttı, azıq-tölek qıymmätlänä, tires bäyäse kütärelde häm bolar barısı, Äfğanstanda kilep çıqqan krizislar tışında, Yämän häm Süriyä şikelle ozaq waqıttan birle däwam itüçe aşığıç xällärgä ut östi,”-dide  Bötendön’ya azıq-tölek programması başqarma mödire Dêvid Besli.



Bäyläneşle xäbärlär