Törmädä suğış çıqtı

Êkvadorda törmädä çıqqan fetnä häm bäreleşlärdä 68 mäxküm ülde, 12 keşe yaralandı.

İl matbuğatında çıqqan xäbärlärgä qarağanda, Guayakil şähärendäge Litoral’ cäzalarnı ütätü urınında äle haman tınğısız könnär. Törmädä bäreleşlär häm fetnä däwam itä. Anda mäxkümnärne “tınıçlandıru” êşenä poliśiyä belän xärbilär dä kereşte.

Cirle matbuğatta yazılğança, bäreleşneñ bandalar arasındağı liderlıq köräşe häm törmädäge şartlar arqasında kilep çığuı alğa sörelä.

Däwlät başlığı Gil’yermo Lasso 31nçe sentyabr’dä bulğan matbuğat cıyılışında ildäge barlıq törmälärdä 60 könlek ğadättän tış xäl iğ’lan itelüen beldergän ide.