BMO xezmätkärläre räşätkä artında

Êfiopiyädä wazıyfa başqaruçı 22 cirle xezmätkäre saq astına alındı

1731939
BMO xezmätkärläre räşätkä artında

Berläşkän Millätlär Oyışmasınıñ Êfiopiyädä wazıyfa başqaruçı 22 cirle xezmätkäre saq astına alındı. BMO ğomum särqaribe süzçese Stefan Duyarriç älege keşelärneñ 6sınıñ soñınnan irekkä cibärelüen belderde. Ul xezmätkärlärneñ ni öçen saq astına alınuı xaqında üzlärenä tögäl genä açıqlaw yasalmawın äytte. İzolyaśiyädäge 16 BMO wäkileneñ kiçekmästän irekkä cibärelüe öçen Êfiopiyä xökümäte belän söyläşülär alıp barıla.

Saq astına alularnıñ BMOnıñ keşe xoquqları öçen cawaplı ğomum särqatibe urınbasarı Martin Griffitsnıñ Êfiopiyägä 4 könlek säfärennän soñ buluı iğ’tibarnı cälep itä. İl xökümäte monnan alda da 7 BMO xezmätkären êçke êşlärgä tıqşınuda ğayepläp persona-non-grata iğ’lan itkän ide. Oyışmanıñ ğomum särqatibe Antonio Guterriş isä Êfiopiyäneñ BMO xezmätkärlären ildän quuınıñ qanunsız buluın belderde.

Êfiopiyä xökümäte Tigray xalıq bäysezlek frontınıñ höcümnäre arqasında 2nçe noyabr’dä ildä ğadättän tış xäl kertte häm Addis-Abebağa bulaçaq höcümnärgä qarşı saqlanu missiyäse berlekläre oyıştırdı.



Bäyläneşle xäbärlär