Yämändä soňğı 3 ayda tınıç xalıqtan 170 keşeneň ğomere özelgän

İldäge bäreleşlär tınıç xalıqqa tiskäre yoğıntı yasıy

1731127
Yämändä soňğı 3 ayda tınıç xalıqtan 170 keşeneň ğomere özelgän

Watandaşlar suğışı däwam itkän Yämändä 3 ayda tınıç xalıqtan 170 keşeneň ğomere özelgän.

Bu xaqta BMOnıň Yämändäge gumanitar êşlärne koordinaśiyäläw ofisınıň belderüendä citkerelä.

Anda äytelgänçä, ildäge bäreleşlär tınıç xalıqqa tiskäre yoğıntı yasıy.

Bıyılnıň öçençe kvartalında ildäge qorallı bäreleşlär näticäsendä tınıç xalıqtan 170 keşe ğomeren yuğaltqan, 359 keşe yaralanğan.

Yämändä İran yaqlaw kürsätüçe xusilär 2014 nçe yılnıñ sentyabrennän birle başqala Sana häm qayber töbäklärneñ kontrolen üz qulında tota.  

Soğud Ğaräbstanı äydäp baruçanlığındağı koaliśiya köçläre isä 2015 nçe yılnıñ mart ayınnan birle xusilärgä qarşı Yämän xökümätenä yaqlaw kürsätä.

İldä 7 yıl däwam itkän bäreleşlärdä xäzerge waqıtqa qadär 230 meňnän artıq  keşeneñ ğomere özelde.



Bäyläneşle xäbärlär