AQŞ xärbiyenä tottırılğan bäbäy tabılmadı

Äfğanstanda Taliban üz kontrolen urnaştırğan könnärdä ildän qaçuçı äfğan ğailäse Qabul aêroportında êteş-törteş waqıtında 2 aylıq bäbäylären ber Amerika xärbiyenä tottıra häm şul çaqtan birle narasıy yuqqa çığa.

Äfğanstan watandaşı Mirza Ali Äxmädi Qabuldağı Amerika Quşma Ştatları ilçelegendä êşlägän. 19nçı avgustta ul ğailäse belän aêroportqa kilä. Anıñ bäbäyen timerçıbıqlı räşätkä artında toruçı ğaskärlärgä birüen kürsätüçe fotolar dön’yanı äylänep çıqtı. Ğailä yartı säğat’tän soñ divarnıñ ikençe yağına çığa. Başqa ğailälär bäbäylären kire ala. 2 aylıq Soxail isä xäzergä qadär tabılmıy.

Ber wäqalätle bäbäyneñ ildän çığarılğan bula aluın söylägännän soñ ata keşe xatını häm qalğan ike balası belän êvakuaśiyä oçqıçına utıra. Alar Katar häm Germaniyä aşa Texastağı xärbi bazağa barıp citä. Narasıynı êzläw näticä birmi.

AQŞ däwlät departamentı bäbäyne tabu öçen barlıq yullarnı qullanıp xalıqara cämäğat’çelek belän êşläwlären citkerde.