Cimerelgän binada ülüçelär sanı artqan
Alarnıñ sanı 36ğa citkän
Nigeriyäneň säwdä şähäre Lagosta 1 nçe noyabr’dä tözelä torğan 21 qatlı bina cimerelgän ide.
Xäzergä qädär xäräbälär astınnan 36 keşeneň mäyeten çığarğannar.
Bu xaqta Nigeriyäneň ğadättän tış xällär belän idarä itü agentlığınıň Lagos koordinatorı İbraxim Farinloe belderä.
Anıň äytüençä, waqıyğa urınında êzläw - qotqaru êşçänlekläre däwam itä.
” Älegä 33 ir - atnıň, 3 xatın - qıznıň mäyete çığarıldı, 9 keşe cäräxätlände” dip belderä ul.
Farinloe farazlawınça, xäräbälär astında küp sanda keşe bar.
Binanıň cimerelü säbäbe älegä bilgele tügel.
Lagos bina tözeleşen kontrol’dä totu agentlığı ğomum mödire Gbolaxan Oki äytüençä, xökümät podryadçikka 15 qatlı bina öçen röxsät birgän, läkin bina 21 qatlı itep tözelgän.
Podryadçik qulğa alınğan häm mäxkämägä cibärelgän.
