“Taliban” Äfğanstanda çit il aqçasın tıydı

“Taliban” süzçese urınbasarı Bilal Kärimimatbuğat wäkillärenä yasağan belderüendä ildäge iq’tisadi wazğiyät häm milli mänfäğätlär arqasında härkemneñ böten êşlärdä äfğan aqça berämlegen qullanuın teläwlären äytte.

Säwdägärlärdän, hönärçelärdän häm xalıqtan säwdädä çit il aqça berämlegen qullanmawların teläwlären citkerüçe Kärimi çit il aqçasın qullanunıñ il iq’tisadına tiskäre yoğıntı yasawına häm xalıqqa zarar birüenä basım yasadı.

Kärimi bu qararnı ütämäwçelärgä xoquqi çaralarnıñ küreläçägen iskärtep uzdı.

Äfğanstan üzäk bankı 15nçe sentyabr’dä böten watandaşlarnı äfğan aqça berämlegen qullanırğa çaqırğan ide.

“Taliban”nıñ başqala Qabulnı 15nçe avgustta kontrol’ astına aluınnan soñ yaqınça ike atna buyı yabıq bulğan banklar xalıqnıñ aqça ixtıyacın qanäğätländerä almıy.

Aqça belän täêmin itü citärle bulmaw arqasında banklar aldındağı ozın çiratlar betmi.

Äfğanstanda qulda bulğan aqçanıñ citmäwe arqasında xalıq banklardan ber atnada iñ küp 20 meñ afgani (yaqınça 200 dollar) ala ala.

Dön’ya bankı, Xalıqara valyuta fondı häm AQŞ Üzäk bankı Äfğanstannıñ xalıqara fondlarğa ireşüen özgän ide.

Amerika Quşma Ştatları citäkçelege Äfğanstan xökümäteneñ AQŞ banklarındağı rezervların tuñdırğan ide.