Rusiyä häm Qıtay Tön’yaq Koreyağa çikläwlärne ciñeläytergä täq’dim itä
Rusiyä häm Qıtay Berläşkän Millätlär Oyışması İminlek Şurasına Tön’yaq Koreyağa atom-töş programması arqasında qullanılğan çikläwlärneñ humanitar wazğiyätkä täêsir itkäne öçen ciñeläytergä täq’dim itte
İke il Tön’yaq Koreyağa qarşı sankśiyälärneñ ciñeläytelüe öçen BMO İminlek Şurasına ölge täq’dimen kertte.
Ölgedä, Tön’yaq Koreyada "tınıç xalıqqa häm humanitar wazğiyätkä täêsir itüçe” sankśiyälärneñ beterelüe çaqıruı yasalıp, ilneñ diñgez êşlänmäläre häm tekstil êksportına qarata tıyu çaraları belän êşkärtelgän neft’ importına qarata çikläwlärneñ ğamäldän çığarıluı sorala.
Berläşkän Millätlär Oyışması İminlek Şurasında qarar ölgeseneñ qabul itelüe öçen 15 äğ’zadän kim digändä 9ınıñ uñay tawış birüe häm daimi äğ’zalär Amerika Quşma Ştatları, Rusiyä, Qıtay, Angliya häm Franśiyanıñ berseneñ dä veto wäqaläten qullanmawı kiräk.
BMO Tön’yaq Koreya keşe xoquqları maxsus xisapçısı Tomas Ojea Quintana da monnan alda ildä açlıq qurqınıçı arqasında qayber çikläwlärne ciñeläytergä çaqırğan ide.
Tön’yaq Koreya liderı Kim Jong Unnıñ yaña tör koronavirus (Kovid-19) kizüe arqasında kürgän qatı çaralarnıñ ilne izolyaśiyäläwen häm xalıqnıñ töp ixtıyaclardan mäxrüm itelüen belderüçe Quintana çiklär yabıq bulğan çaqta açlıq qurqınıçınıñ da zurayaçağın kisätkän ide.
BMO İminlek Şurası atom-töş programması arqasında Tön’yaq Koreyağa 2006nçı yıldan birle iq’tisadi häm xärbi sankśiyälär qullana.
Bäyläneşle xäbärlär
Netan’yaxunı öye aldında protest itkännär
Protestçılar Netan’yaxu xökümätenä äsirlärneñ kire kiterelüe taläben qabatladı
