Yämändä soňğı 3 köndä tınıç xalıqtan 15 keşeneň ğomere özelgän

İldäge bäreleşlär tınıç xalıqqa tiskäre yoğıntı yasıy

1727849
Yämändä soňğı 3 köndä tınıç xalıqtan 15 keşeneň ğomere özelgän

Watandaşlar suğışı däwam tkän Yämändä soňğı 3 köndä tınıç xalıqtan 15 keşeneň ğomere özelgän.

Bu xaqta BMOnıň Yämändäge gumanitar êşlärne koordinaśiyäläw ofisınıň belderüendä citkerelä.

Anda äytelgänçä, ildäge bäreleşlär tınıç xalıqqa tiskäre yoğıntı yasıy, soňğı 3 köndä bu bäreleşlärdä 15 keşe ğomeren yuğalttı, alar arasında balalar da bar.

Yämän xökümäte tınıç xalıq ülemnärennän xusilärne cawaplı tottı.

Ozaq waqıt säyäsi totrıqsızlıq xökem sörgän Yämändä İran yaqlaw kürsätüçe xusilär belän xökümätkä bäyle köçlär arasında bäreleşlär küzätelä.

Xusilär 2014 nçe yılnıñ sentyabrennän birle başqala Sana häm qayber töbäklärneñ kontrolen üz qulında tota.  

Soğud Ğaräbstanı äydäp baruçanlığındağı koaliśiya köçläre isä 2015 nçe yılnıñ mart ayınnan birle xusilärgä qarşı Yämän xökümätenä yaqlaw kürsätä.

İldä 7 yıl däwam itkän bäreleşlärdä xäzerge waqıtqa qadär 233 meň keşeneñ ğomere özelde.

 



Bäyläneşle xäbärlär