Qırım häm Donbass - ike bomba

Ukraina däwlät başlığı êkologiyägä yanawçı töbäklärne atadı

1727833
Qırım häm Donbass - ike bomba

Ukraina däwlät başlığı Vladimir Zelenskiy Donbass belän Qırımnıñ Awrupa üzägendäge ike êkologik bomba buluın söyläde. Ul bu xaqta Şotlandiyäneñ Glazgo şähärendä oyıştırılğan 26nçı BMO klimat üzgärü konferenśiyäsendäge çığışında citkerde.

Zelenskiy Ukrainanıñ Awrupada Parij kileşüen imzalağan berençe illärdän buluın iskä töşerde. Ul maqsatlarınıñ 2030nçı yılğa qadär parnik gazı bülep çığarunı 65%qa kimetü buluın äytte.

Ukraina liderı assızıqlağança, global’ cılınunı ciñü öçen här yıl ışanıç kimegän xalıqara mönäsäbätlärdä global’ cılınu kiräk. Ul kileşülärneñ qayberläreneñ barı tik süzlärgä genä qaytıp qalğanda mäğ’näsez ikänlegenä iğ’tibarnı cälep itte.

Zelenskiy 1994nçe yılda Ukrainanıñ cirenä citkerelmägän iminlek garantiyäläre aluın xäterlätte. “Awrupanıñ üzägenä Donbass häm basıp alınğan Qırım bularaq ike êkologik bomba töşte,”-dide ul.

Ukraina ilbaşı söylägänçä, tiñsez üsemleklär dön’yasına iyä Qırım - Rusiyä flotı bazasına äwerelä, ä Donbassnıñ qayber urınnarı minalar belän tulı. Ul bu küreneşneñ böten dön’yağa yanaw buluın äytte.



Bäyläneşle xäbärlär