İlon Mask açlıqqa noqta quya alırmı?

Amerika Quşma Ştatlarında êlektrlı avtomobil’ çığaruçı Teslanıñ xucası İlon Mask açlıq problemasın niçek çişäçägen añlatqan oçraqta BMOğa yärdäm itärgä süz birde.

Bötendön’ya azıq-tölek programması mödire Dêvid Bizli Masknıñ mölkäteneñ barı 2%ı belän genä dä açlıq çigüçe millionnarça keşene qotqaru mömkin ikänen beldergän ide. Milliarder moña Twitter aşa cawap birde.  

“Bötendön’ya azıq-tölek programması Twitterda 6 milliard dollarnıñ dön’yadağı açlıqnı niçek beteräçägen tögäl itep añlatsa, Tesla akśiyälären xäzer ük sataçaqmın” dip yazdı dön’yadağı iñ bay keşelärneñ berse.

“Keşelärneñ aqçanıñ qaya kitüen tögäl kürä aluları öçen, zinhar, ağımdağı häm täq’dim itelgän çığımnarığıznı centekläp tasvirlağız. Kön yaqtısı iskitkeç närsä. Monı açıqtan-açıq êşlägez ki, xalıq aqçanıñ niçek qullanıluın kürsen” dip östäde İlon Mask.

Bötendön’ya azıq-tölek programması mödire Dêvid Bizli isä aña, Twitter aşa êlemtä qoru urınına, plannarın kürsätü öçen küreşergä täq’dim itte. Ul oyışmanıñ ütä kürenmäle häm açıq sisteması buluın häm monıñ garantiyäsen biräçägen äytte.