37 terrorçı üterelde

Nigeriyanıñ tön’yaq-könçığışında terrorçı oyışma Boko Xaramğa qarata operaśiyädä 37 keşe üterelde.

Armiyä wäkile Onyema Nvaçukvu beldergänçä, xärbi berleklär 30nçı oktyabr’dä Borno töbägeneñ Sambisa urmanında Boko Xaramğa qarşı “Xadin Kai” operaśiyäse oyıştırğan. Anda 37 terrorçı täêsirsez xälgä kiterelä. Şulay uq, qorallar, texnika, neft’ êşlänmäläre häm ähämiyätle suğış kiräk-yarağı qulğa töşerelä

Boko Xaram, soñğı yıllarda oyıştırılğan operaśiyälärgä qaramastan, Afrikanıñ iñ küp keşe yäşi torğan däwläte Nigeriyada citdi qurqınıçsızlıq problemaları kiterep çığara. Oyışma 2000nçe yıllarnıñ başında üzen kürsätä başladı. Anıñ 2009nçı yıldan başlap oyıştıra torğan massaküläm terrorçılıq aktlarında 20 meñnän artıq keşeneñ ğomere özelde. Oyışma çik buyı kürşeläre Kamerun, Çad häm Nigerğa da tınğılıq birmi.

Nigeriyada terrorçılıq höcümnäre häm bäreleşlär arqasında 100 meñnärçä keşe yäşägän cirennän küçenergä mäcbür.