Tağın ber jurnalist üterelde

Meksikanıñ kön’yaq-könbatışında tağın ber jurnalist atıp üterelde. İldä 2000nçe yıldan xäzergä qadär üterelgän qaläm iyäläre sanı 130dan arttı.

Meksika matbuğatında urın alğan xäbärgä qarağanda, Ç’yapas töbägendäge Tustla-Gut’yerres şähärendä cirle gazetta xäbärçe bularaq êşläwçe Freddi Lopes Arevaloğa maşinasınnan çıqqanda atalar. Anı awır yaralı xäldä xastaxanägä iltälär, tik ğomeren qotqarıp qalu mömkin bulmıy.

Wäqalätlelär äytüençä, jurnalistqa motośikllı beräw ut açqan. Ul tiz arada waqıyğa urınınnan qaça. Xäzer anı êzlilär. Tikşerü êşe bara.