"Fälästinneñ däwlät tözü tırışlıqların yaqlıybız"

Awrupa Berlege idaräse Fälästinneñ däwlät tözü tırışlıqların yaqlawların belderep İzrail-Fälästin mäs’äläsendä ike däwlätle çişeleşkä uñay qarawların rasladı

1726094
"Fälästinneñ däwlät tözü tırışlıqların yaqlıybız"

Fälästin xökümäte räise Möxämmät İştiyyä Awrupa Berlege şurası räise Çarl’z Mişel’ häm berlekneñ Tışqı mönäsäbätlär häm iminlek säyäsäte yuğarı wäkile Djozef Borrel’ belän Brüssel’dä söyläşülär uzdırdı.

Mişel’ bu turıda sośial’ mediada belderü yasadı. “Fälästinneñ däwlät tözü tırışlıqlarına Awrupa Berlegeneñ teläktäşlege häm regional’ masştab turında söyläştek. Berlekneñ ike däwlätle çişeleşkä tuğrı qaluın rasladım” dip yazdı ul.  

Borrel’neñ ofisınnan yasalğan belderüdä isä Awrupa Berlegeneñ Fälästin xalqınıñ däwlät tözü tırışlıqların yaqlayaçağı äytelä. Ul İzrail-Fälästin mäs’äläsenä ike däwlätle çişeleş nigezendä ğadel, kiñäşle häm külämle näticä çığaru häm solıx prośessına can örü öçen söyläşülärne qabat başlarğa teläwlären citkerde.

Borrel’ belän İştiyyä cirlektäge wäzğıyät’ne dä telgä ala. Ul İzrailneñ cirläşülärne kiñäytüe, fälästinlelärneñ öylärennän çığarıluı häm binalarnıñ cimerelüe, Ğazzädäge qurqınıç gumanitar xälneñ borçu tudıruçı buluın belderde.

Borrel’ äytüençä, İzrailneñ Fälästindäge  keşe xoquqların yaqlawçı 6 oyışmanı terrorçı isemlegenä kertüen Awrupa Berlege tikşeräçäk.



Bäyläneşle xäbärlär