Mäxäbbät tituldan östenräk

Yaponiyä prinśessası Mako yörgän yegete Komuro Key belän öyläneşte. Kiyäw aksöyäklär näselennän tügel, ğadäti ğailädän.

Kyodo agentlığınıñ xäbärenä qarağanda, imperatorlıq êşläre agentlığı parnıñ nikyaxı belän bäyle dokumentlarnı tiyeşle oyışmalarğa cibärde. Räsmi qäğaz’lär raslanğannan soñ ikese dä 30 yäşendä bulğan Mako häm Komuro Key öyläneşte.

İmperatorlıq qanunnarı nigezendä, ğadi keşegä kiyäwgä çıqqan prinśessa yuğarı statusın yuğalta. Mako atna êçendä İmperatorlıq şäcäräsennän çığarılaçaq. Ul moña qadär yäşägän rezidenśiyädän küçende. Mako, Amerika Quşma Ştatlarına kitkänçe, ire belän Tokiodağı ber yortta yäşäyäçäk. Ul ğailädäge xatın-qızlarğa patşalıqtan kitkändä birelä torğan 150 million iennı da almayaçaq.