Mäktäpkä barırğa qurqalar

Nigeriyada balalar urlanudan qurqıp uqırğa barmıy

1725637
Mäktäpkä barırğa qurqalar

Nigeriyada urlanularınnan qurqıp 12 millionnan artıq balanı mäktäpkä cibärmilär. Däwlät başlığı Möxämmät Buxarinıñ şäxsi särqatibe İbrahim Gambari bu xaqta 4nçe xalıqara qurqınıçsız mäktäplär deklaraśiyäse cıyılışında söyläde. Anıñ äytüençä, ilneñ bigräk tä tön’yaq öleşendä däwlät uqu yortlarına höcümnär artqan. Bu mäğarif sistemasında cimergeç täêsir yasarğa mömkin.

Gambari ildä urlanudan qurqıp mäktäpkä barmawçı 12 millionnan artıq balanıñ buluına iğ’tibar cälep itte. “Bigräk tä, qız balalarğa bu qurqınıçsızlıq problemaların häm anıñ yoğıntısın ciñüe awır buluın äytergä tiyeşmen,”-di ul.   

Nigeriyanıñ mäğarif tarmağı öçen cawaplı däwlät ministrı Çukvuêmeka Nvadzyuba isä urlanğan uquçı balalarnıñ kübesen aqça tüläp irekkä cibärülären söyläde. Tik alarnıñ şaqtıyı psixologik travma kiçergän.

İlneñ Benua, Kaduna, Plato, Katsina häm Zamfara töbäklärendä soñğı aylarda küp kenä mäktäptän balalar urlandı. Bu höcümnär säbäple şaqtıy uqu yortı belem birüne tuqtatıp torırğa mäcbür buldı.  



Bäyläneşle xäbärlär