Qıtayda Del'ta variantı tarala

İldä kizüne tuqtatu öçen turistik urınnarnı yaba başladılar

1724743
Qıtayda Del'ta variantı tarala

Qıtayda koronavirusnıñ Del’ta variantı 11 töbäktä taraldı. Milli sälamätlek saqlaw komissiyäseneñ awırularnı kontrol’dä totu byurosı yärdämçe mödire Vu Lyan’yu 17nçe oktyabr’dän birle älege variantnı yoqtırğan häm ber ük çığanaqtan bulğan 133 cirle oçraq terkälüen belderde. Alarnıñ 106sı 13 turist törkeme belän bäyläneşle.

Awırunıñ bik küp töbäkkä taraluınıñ Qıtaynıñ “nol’ yoqtıru oçrağı” strategiyäsenä tayanuçı kizü kontrol’ rejimın awırlaştıraçağı küzallana. Vu kizüne ber ay êçendä kontrol’ astına alınaçağın uylawların citkerde.  Şulay da kiläse könnärdä Del’tanı yoqtıru oçraqları häm taralu urınnarınıñ artuı kötelä.

Qıtayda 6 administrativ bülek wäqalätlese kizüdä iğ’tibarsızlıq kürsätü säbäple êşlärennän alındı. Şul uq waqıtta, ilneñ tön’yağında turizm belän bäyle yoqtıru oçraqları terkälgän Urta Mongoliya, Ninsya-Xuêys avtonom töbäge häm Gan’su provinśiyäsendäge turizm êşçänlekläre tuqtatıldı. Mädäniyät häm turizm ministrlığı agentlıqlardan urta häm yuğarı risklı cirleklärgä turlarnı ğamäldän çığaruların soradı.



Bäyläneşle xäbärlär