BMOdan Yämängä yӓrdӓm

Oyışma ilneň Marib ölkäsendä 2 meň 700 ğailägä azıq - tölek yärdäme kürsätte

1724749
BMOdan Yämängä yӓrdӓm

 Berläşkän Millätlär Oyışması Yämänneň Marib ölkäsendä 2 meň 700 ğailägä azıq - tölek yärdäme kürsätte.

Bu xaqta BMOnıň Yämändäge gumanitar êşlärne koordinaśiyläw ofisınıň yazma belderüendä citkerelä.

Anda äytelgänçä, Maribta şulay uq 6 sälamätlek saqlaw üzäge dä xezmät kürsätä.

Yämändä İran yaqlaw kürsätüçe xusilär 2014 nçe yılnıñ sentyabrennän birle başqala Sana häm qayber töbäklärneñ kontrolen üz qulında tota.  

Soğud Ğaräbstanı äydäp baruçanlığındağı koaliśiya köçläre isä 2015 nçe yılnıñ mart ayınnan birle xusilärgä qarşı Yämän xökümätenä yaqlaw kürsätä.

Yämändä 7 yıl däwam itkän bäreleşlärdä xäzerge waqıtqa qadär 233 meň keşeneñ ğomere özelde.

Dönyanıñ iñ fäqir’ illäre arasında urın alğan Yämändä watandaşlar suğışı säbäbe belän humanitar krizis qotoçqıç däräcälärgä citte.

Yaqınça 30 million keşe yäşägän Yämändä 22 millionnan kübräk keşe humanitar yärdämgä häm yaqlawğa moxtac.

 



Bäyläneşle xäbärlär