Taliban idaräsen Äfğanstan temalı cıyılışqa çaqırmadılar

Taliban idaräse İran başqalası Tähranda 27nçe oktyabr’dä uzaçaq Äfğanstan temalı cıyılışqa çaqırılmadı. Bu xaqta Talibannıñ süzçese häm waqıtlıça xökümätneñ mädäniyät ministrı urınbasarı Zabidullax Mücahid belderde. Ul älegä üzlärenä çaqıru kilmäsä da, cıyılışnıñ Äfğanstan faydasına bulaçağın uylawların belderde.

Çarağa Paqıstan, Qıtay, Tacikstan, Törkmänstan, Üzbäkstan häm Rusiyädän wäkillär kilüe kötelä. Anda Äfğanstanda milli inklyuziv xökümät tözü häm suğışnı tuqtatu turında süz baraçaq.

Rusiyä başqalasında 20nçe oktyabr’dä Äfğanstan mäs’äläse belän bäyle “Mäskäw formatı” cıyılışı uzğan ide. Anda Taliban tözegän waqıtlıça xökümätneñ wäkile Abdussälam Xanäfi citäkçelegendäge delegaśiyä dä qatnaştı.