Olimpiya sportçısı atıp üterelde

Êkvadorda Olimpiya yögereşçese Aleks Kinonez üterelde. Aña Guayakil şähärendä uramda utlı qoraldan atalar. 32 yäş’lek atlet häm tağın ber ir keşe älege höcümdä hälaq bula.

Atletnıñ üleme ilne teträtte. Êkvador ilbaşı Gil’yermo Lasso bu cinayät’neñ cäzasız qalmayaçağın belderde.

İlneñ Olimpiya komitetı ğomum särqatibe Andrea Sotomayor Twitterda qayğı urtaqlaşıp bolay dip yazdı: “Aleks Kinonez tıynaqlıqnıñ sinonimı häm nıqlıqnıñ simvolı ide. Anı yuğaltu bezneñ canıbıznı ärnetä”.

Qısqa aralıqqa yögerüçe atlet 2012nçe yılda London Olimpiya uyınnarınıñ 200 metr finalında yarıştı häm 7nçe buldı. 2019nçı yılda Bötendön’ya atletizm çempionatında isä Kinonez bronza medal’ aldı.