Neft' ob'yektında zur şartlaw

Anda yortlar kükkä oça, küp keşe ülä

1724115
Neft' ob'yektında zur şartlaw

Nigeriyanıñ Rivers töbägendä qanunsız neft’ êşkärtü ob’yektında şartlaw buldı. Anda kimendä 25 keşeneñ ğomere özelde, aralarında balalar da bar. Yaralanuçılar da bik küp. Wäqalätlelär ülüçelärneñ sanınıñ artaçağınnan qurqa. Şartlawda distälägän öy kükkä oçqan.

Rivers töbäge Rumuêkpe rayonı wäqalätlese İfeani Omano beldergänçä, cirlektä qanunsız neft’ êşkärtü ob’yektlarınıñ ğamäldä buluı borçu tudıra. Ul xökümätne aşığıç räweştä moña kirtä quyarğa çaqırdı.

Nigeriya dön’yada iñ küp neft’ rezervına iyä däwlätlär arasında 8nçe urında. Rivers häm Del’ta töbäklärendä qorallı törkemnärneñ qara altın mäydannarındağı sabotajları, qanunsız neft’ êşkärtü urınnarı, bäreleşlär häm keşe urlaw şikelle waqıyğalar, texnik citeşsezleklär häm cihazlar bulmaw säbäple neft’ keremnärendä kimü küzätelä.



Bäyläneşle xäbärlär