Fevral'dä - Ayğa oçış

NASAnıñ Ayğa keşesez oçışına bik az waqıt qaldı

1724110
Fevral'dä -  Ayğa oçış

Amerika Quşma Ştatlarınıñ aviaśiya häm ğaläm agentlığı “Artemida” tikşerenü missiyäse qısalarında fevral’dä Ayğa keşesez oçış planlaştıruın belderde.

NASAdan yasalğan belderüdä Ğalämgä oçırtu sisteması raketasınıñ Orion apparatına berketelüe häm êkipajsız Ayğa säyäxät sınawlarında soñğı êtapqa kilüläre citkerelä.  

“Artemida 1” missiyäse kiläçäktäge êkipajlı test oçışları öçen äzerlek bulaçaq. Näticädä astronavtlar Ay häm anıñ tiräsendä tağın da qatlawlı êşçänleklär alıp bara alaçaq.

NASA greklarnıñ Ay alihäse Artemidanıñ iseme birelgän tikşerenü missiyäse qısalarında 2024nçe yılğa qadär Cirneñ iyärçenenä keşele säfärlär oyıştırırğa maqsat itep quya. Alarnı 2028nçe yılğa qadär däwam itü küzdä totıla. Şunnan soñ Ay orbitasında ğaläm stanśiyäse tözü häm, anı basqıç şikelle qullanıp, Marsqa keşele säfärlär başlaw planlaştırıla.  



Bäyläneşle xäbärlär