Livanda maşina yörtüçeläreneñ yağulıq protestı

Livan başqalası Beyrutta maşina yörtüçeläre artqan yağulıq bäyälärenä rizasızlıq belderü öçen maşinaları belän yullarnı transport xäräkätenä yaptı

1722567
Livanda maşina yörtüçeläreneñ yağulıq protestı

Livan ênergetika ministrlığınıñ qabat yağulıq bäyäläreneñ yaqınça 25%qa arttırıluın beldergännän soñ Beyrutta qayber maşina yörtüçeläre awırlaşqan iq’tisad şartlarına häm bäyä kütärülärgä rizasızlığın citkerde.

Livanda Üzäk bankı bügen yasağan belderüendä 95 oktanlıq 20 litr benzin bäyäseneñ 202 meñ Livan lirasınnan (10 dollardan) 302 meñ lirağa (15 dollarğa) kütärelüen beldergän ide.

Cılıtuda häm aş bülmäsendä qullanıluı öçen tabiğıy gaz sisteması bulmağan Livanda aş peşerü gaz ballonı bäyäseneñ 180 meñ liradan (9 dollardan), 229 meñ lirağa (13 dollarğa) citüe äytelgän ide.

Livan ênergetika ministrlığı soñğı tapqır 22nçe sentyabr’dä yağulıq bäyäläreneñ yañartıluın açıqlağan ide.

Livanda yağulıq bäyäläre bıyıl kim digändä 5 tapqır kütärelde.



Bäyläneşle xäbärlär