Yämändä finans operaśiyäläre tuqtatıldı

Yämän xökümätenä bäyle “SABA” agentlığı xäbär itüençä, Baş ministr Muin Abdulmälik räislegendä xökümät belän Üzäk bank räsmiläre waqıtlı başqala Adendä cıyıldı.

Cıyılışta êçke finans çeltäre aşa başqarılğan aqça küçerülärneñ tuqtatıluı, ğamäl öçen mäydanda tikşerenülärneñ ütkärelüe häm wazğiyätneñ daimi bularaq bäyälänelüe qararına kilende.

Xökümät Üzäk banknıñ aqça almaştırunı tärtipkä saluçı häm bank boyırıqların ütämäwçe qayber valyuta almaştu byurolarınıñ röxsätlären ğamäldän çığaru çaraların yaqlawın belderde.

Baş ministr Abdulmälik bäyläneşle ministrlıqlarğa häm organnarğa valyuta kontrabandasın totqarlaw öçen portlardağı prośeduralarnı arttıru, bu mäs’älädä qanuni çaralarnı kürü häm çit ilgä aqça küçerüne çikläw boyırığın birde.

Yämän Üzäk bankı şimbä könne waqıtlı başqala Adändäge 54 valyuta almaştıu byurosınıñ êş röxsäten ğamäldän çığaruın açıqlağan ide.

Ozaq waqıttan birle watandaşlar suğışı däwam itkän Yämändä cirle aqça berämlege valyuta aldındağı qıymmäten rekord däräcädä yuğalta. İldä yäkşämbe könne 1 AQŞ dolları 1380 riyaldän satıla.

Yämän riyalineñ rekord däräcädäge töşüe xalıqnıñ tübän satıp alu köçen tağın da zäğiflätkän bulsa, fäqıyr’lek külämeneñ dä 80%ğa citüe äytelä.