35 meñ keşe ut êçendä

Yämändä Marib, Şabva häm Äl-Bäyda cirleklärendä soñğı atnalarda suğışlar köçäyde

1720399
35 meñ keşe ut êçendä

BMO Yämändä bäreleşlär däwam itüçe cirleklärdä yaqınça 35 meñ keşeneñ ut êçendä qaluın belderde.

Oyışmanıñ Yämän koordinatorı Dêvid Gressli yazmaça belderüendä Marib, Şabva häm Äl-Bäyda cirleklärendä soñğı atnalarda köçäygän suğışlar öçen borçıluın citkerde.  

“Bu wäzğıyät’ tormış öçen ähämiyätle yärdämnärne cirleklärgä taratunı citdi räweştä çikli, moxtaclarnı däwalawğa ayaq çala häm töp ixtiyac tovarları belän täêmin itüne awırlaştıra,”-dide ul.

Gressli äytüençä, barı tik Marib töbägeneñ Abdiyä rayonında yaqınça 35 meñ keşe bäreleşlär säbäple ber cirgä kitä almıy. Alarnıñ 17 meñe monnan alda köçle suğışlar baruçı cirleklärdän qaçıp Abdiyägä sıyınğan bulğan.

Yämändä yaqınça 7 yıl baruçı bäreleşlärdä 233 meñnän artıq keşeneñ ğomere özelä. 30 millionlı il xalqınıñ yaqınça 80%ı dön’yadağı iñ naçar gumanitar krizis êçendä yäşi häm daimi yärdämgä moxtac.



Bäyläneşle xäbärlär