Qan banklarındağı ürnäklär analizlanaçaq
Qıtay Uxan' şähärendä qan banklarında saqlanuçı ürnäklärne koronavirus kilep çığışın tikşerü öçen ala
Qıtay koronavirusnıñ kilep çığışı belän bäyle tikşerenüneñ ber öleşe bularaq Uxan’ şähärendäge kan banklarındağı distälägän meñ qan ürnägen analizlarğa äzerlänä. Bu qarar virusnıñ başlanğıçın tabuda açıq bulırğa çaqırular yasalğannan soñ çığarıldı.
200 meñläp qan ürnäge arasında 2019nçı yılnıñ soñğı aylarına qarawçılar da bar. Belgeçlär monı virusnıñ keşelärgä täwge tapqır qayçan häm qayda küçüen açıqlarğa yärdäm itäçäk mäğ’lümat çığanağı bularaq kürä.
Ürnäklär Uxan’ qan üzägendä saqlana.
Qıtay wäqalätleläre qan bankındağı ürnäklärneñ 2 yıl saqlanuın belderde. Bu qan birü belän bäyle däğ’wa kilep çıqqan oçraqta dälil bularaq qullanu öçen kiräk.
Qıtay milli sälamätlek komissiyäse wäkile täcribägä äzerleklärneñ xäzerge waqıtta däwam itüen citkerde.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı