AQŞta narkotik fermaları artqan

AQŞnıñ Oregon ştatındağı ber cirlektä qanunsız narkotik matdä yasawda qullanıluçı ülännärne üsterüçelär artqan. Älege basularnıñ zurayuı häm sanı kübäyüe ğadättän tış xäl iğ’lan itügä êtärde.  

Djekson töbäge komissarlar şurası äğ’zaları bu qadär narkotiknıñ xalıq sälamätlege häm iminlegenä yanaw barlıqqa kiterüe mäs’äläsendä watandaşlarğa kisätü yasadı. Alar gubernator häm parlamentqa yärdäm sorap möräcäğat’ itte.

Gubernator Kêyt Brawnnıñ wäkile Çarlz’ Boyl bolay di: “Oregon qanunsız marixuana biznesınıñ üseşenä açıq tügel. Bolar däwlätebezdä qorılıq xakimlek itkändä su çığanaqların beterüçe, êş köçen keşeleksez şartlarda totuçı häm qanunlı marixuana bazarına citdi zarar kiterüçe kriminal’ oyışma”.