Ganada här kön 52 keşe VİÇ yoqtıra
Küp keşeneñ VİÇ testı birüdän qurquı arqasında awıruçılarnıñ tögäl sanın belü awır
1718515
Könbatış Afrika däwläte Ganada här könne yaqınça 52 keşeneñ immunodefiśit virusı VİÇ yoqtıruı açıqlandı.
Gana SPİD komissiyäse mödire Kyeremex Atuaxene beldergänçä, uzğan yıl il külämendä 346 meñ 120 keşeneñ VİÇ testı pozitiv çıqqan. Ul Ganada küp keşeneñ älege analiznı birüdän qurquın, şuña kürä 142 meñnän artıq watandaşnıñ virusnı yörtüen üze dä belmäwen äytte.
Atuaxene soñğı waqıtlarda här 5 VİÇ oçrağınnan 1seneñ 15-24 yäş’leklärgä turı kilüenä basım yasıy. “Bu wäzğıyät’tä ata-analarnıñ balalarına bu yäş’tä nilär êşlärgä kiräklege turında yaxşı sabaq birüe mäslixät,”-dide tabib.