Qıtay alıp qaytqan Ay ürnäkläre "yäş'" bulıp çıqtı

Qıtaynıñ ğaläm apparatı uzğan yıl Aydan alıp qaytqan taş ürnäkläreneñ niçä yıllıq buluı açıqlandı

1716789
Qıtay alıp qaytqan Ay ürnäkläre "yäş'" bulıp çıqtı

Qıtaynıñ “Çan’ı-5” tikşerenü apparatınıñ Aydan kitergän ürnäkläre 2 milliard yıllıq bulıp çıqtı. Älege zond Cirneñ iyärçenenä 2020nçe yılnıñ dekabrendä cibärelgän ide.

BBC xäbärenä qarağanda, apparat kitergän taş häm tufraq ürnäkläre kötelgännän tağın da “yäş’räk” bulıp çıqqan.

Ğalimnär Aynıñ Cirgä qarawçı öslegendäge Prośellarium töbägennän cıyılğan bazal’t taşlarnıñ 2 milliard yıllıq ikänen açıqladı. Alar lava näticäsendä barlıqqa kilgän. Belgeçlär fikerençä, soñ vulkan aktivlığın buldıru öçen Aynıñ bu öleşendä cılılıq belän täêmin itüçeneñ buluı kiräk.

Mançester universitetınnan Kêtrin Djoy, Aynıñ Cirdä sunıñ kütäreleşen häm çigeneşen barlıqqa kitergän şikelle, Cirneñ tartu köçeneñ dä Aynı tartıp êtüe mömkin buluın belderä. Şulay itep, ışqılu näticäsendä êrü barlıqqa kilä.

Monnan alda Apollo missiyäse astronavtları cıyğan taş ürnäkläre 3 milliard yıldan da borınğıraq ide.

Qıtaynıñ Aydan taş häm tufraq ürnäkläre cıyu öçen cibärgän “Çan’ı-5” apparatı uzğan yılnıñ 16nçı dekabrendä Cirgä qayttı. Ul AQŞnıñ 1970nçe yıllardağı “Apollo” häm Sovetlar Berlegeneñ “Luna” missiyälärennän soñ uzğan 40 yıl êçendä Aydan Cirgä ürnäk kitergän berençe ğaläm apparatı buldı.

2019nçı yılda isä Qıtay “Çan’ı-4” apparatın Aynıñ qarañğı yağına utırttı häm monı başqarğan berençe däwlät buldı.



Bäyläneşle xäbärlär