Gruziyädäge yort remont arqasında işelgänme?

Cimereklär astında qaluçılarnı çığaru hän işelüneñ säbäplären açıqlaw bara

1717077
Gruziyädäge yort remont arqasında işelgänme?

Gruziyäneñ Batumi şähärendä kiçä işelgän 7 qatlı binanıñ cimerekläre astınnan 5 keşeneñ üle gäwdäse çığarıldı. Alarnıñ 2se bala.

Yaqınça 22 säğat’ däwam itkän êzläw-qotqaru êşçänlege näticäsendä 4 keşene isän kileş çığardılar häm xastaxanägä ilttelär. Berseneñ xäle awır.

Waqıyğa urınında yaqınça 300 keşelek törkem êşli. Alar belän êçke êşlär ministrı Vakxang Gomelauri citäkçelek itä. Ul, mäğ’lümatlarğa qarağanda, cimereklär astında tağın 3 keşeneñ bula aluın häm alarnı qotqarırğa tırışuların söyli.

Êçke êşlär ministrlığınnan belderülärençä, işelgän binanıñ berençe qatındağı fatirnıñ xucası häm 2 êşçe qanunsız remont êşläre başlawları öçen saq astına alındı.



Bäyläneşle xäbärlär