Keniyada açlıq krizisı

İldä yaqınça 200 meñ keşe könenӓ ber tapqır ğına tuqlana

1714219
Keniyada açlıq krizisı

Könçığış Afrika ile Keniyada dӓwam itüçe qorılıq arqasında yaqınça 200 meñ keşe könenӓ ber tapqır ğına tuqlana.

Keniyadağı Meteorologiya departamentınnan yasalğan açıqlawğa kürӓ qorılıq arqasında ilneñ tön’yaq hӓm könçığış töbӓklӓrendӓ 100 meñnӓrçӓ keşe azıq-tölek hӓm çista su taba almıy.  

Açıqlawdan kürengӓnçӓ yaqınça 200 meñ keniyale könenӓ ber tapqır ğına tuqlana, citӓrsez tuqlanu arqasında 9 meñ keşeneñ aşığıç rӓweştӓ dӓwalanuğa ixtıyacı bar.

Qorılıqtan xayvannarnıñ da zıyan kürüe ӓytelgӓn açıqlawda bu wazğıyӓt’neñ dӓ terlekçelek belӓn şöğıl’lӓnüçe Keniya xalqına tiskӓre tӓêsir itüe assızıqlandı.

Keniyaneñ tön’yaq hӓm könçığış töbӓklӓrendӓ küzӓtelüçe qorılıq arqasında 20dӓn artıq töbӓktӓ milli fӓlӓkӓt iğlan itelde.

İldӓ 2 million 100 meñ keşe açlıq belӓn körӓşӓ, 500 meñnӓn artıq bala citӓrsez tuqlana.

Soñğı yıllarda tarixınıñ iñ zur çikertkӓ höcüme belӓn körӓşüçe Keniyada yañğırlarnın ӓz yawuı arqasında azıq-tölek krizisınıñ üsӓ aluınnan borçu toyıla.


Etiketlar: #qorılıq , #açlıq , #Keniya

Bäyläneşle xäbärlär