AQŞ armiyäsendä üz –üzenä qul salu oçraqları artqan
Andıylarnıñ sanı uzğan yıl 580 täşkil itkän
Uzğan yıl AQŞ armiyäsendä 580 ğaskär üz –üzenä qul salğan.
Amerika Quşma ştatları saqlanu ministrlığı Pentagonnıñ bu xaqtağı yıllıq xisabında äytelgänçä, xärbi xezmättäge soldatlar arasında üz – üzenä qul salu oçraqları uzğan yıl annan êlekke yıl belän çağıştırğanda 9,1%qa artqan.
Uzğan yıl rezerv köçlär arasında intixar däräcäse 19,2%qa artqan bulsa, milli saqçılar arasında bu kürsätkeç 31,7%qa citkän.
2020 nçe yılda barısı 580 xärbi üz – üzenä qul salğan, wazıyfadağı xärbilär arasında intixar küläme 5 yılda 41,4%qa artqan.
Xisap xaqında belderü yasağan AQŞ saqlanu ministrı Lloyd Ostin “Tikşerenü näticäläre qurqu tudıra. Ğaskärlär häm alarnıñ ğailäläre arasında üz – üzlärenä qul salu oçraqları bik yuğarı häm tendenśiyälär döres yünäleştä barmıy”dide.
