Rusiyä Baş ministrı Mişustin: “İldäge Kovid-19 wazğıyäte kiyerenke”
Rusiyädä yaña tör koronavirus (Kovid-19) kizüe torışınıñ kiyerenke buluı belderelde
Rusiyä Baş ministrı Mixail Mişustin räsmilär belän video konferenśiya ısulı belän ütkärgän cıyılışta ildäge “Kovid-19” wazğıyäte turında açıqlawlar yasadı.
Rusiyädäge kizü torışınıñ naçarayuına basım yasawçı Mişustin: "İlebezdäge koronavirus wazğıyäte kiyerenke. Awırtu oçraqları arta. Här kön 20 meñnän kübräk yoqtıru oçrağı bilgelänä”, - dip äytte.
İlneñ töbäk citäkçelekläreneñ virusqa qarşı çara kürüe zarurlığın belderüçe Mişustin “Kovid-19” vakśinaśiyäläw barışınıñ da tizlätelüe zarurlığına basım yasadı.
Rusiyä Sälamätlek saqlaw ministrı Mixail Muraşko da, vakśinaśiyäläw barışının äkrenäyüen belderep: "49 million Rusiyä watandaşı vakśinanıñ berençe dozasın yasattırdı. Vakśinanıñ ike dozasın da yasattıruçı keşe sanı 40 million”, - dip citkerde.
Rusiyä Keşe sälamätlege häm satıp aluçılar xoquqların saqlaw xezmäte başlığı Anna Popova da soñğı öç atnada ilneñ 56 töbägendä “Kovid-19” oçraqlarınıñ artuın häm sentyabr’dä bilgelängän awırtu oçraqlarınıñ 97%ınıñ Hindstanda kilep çıqqan "Del’ta ştammı” buluın äytte.
