Törmädä bandalar suğışı

Êkvadorda törmädä bandalar arasında kiçä çıqqan bäreleşneñ videoların ul tirädä yäşäwçelär sośial’ mediada urtaqlaştı

1712614
Törmädä bandalar suğışı

Êkvadorda kiçä törmädä bandalar arasında çıqqan bäreleştä ğomere özelüçelärneñ sanı 116ğa, yaralılar isä 80gä citte.

Däwlät başlığı Gil’yermo Lasso matbuğat cıyılışında belderü yasadı häm ildäge barlıq törmä sistemalarında 60 köngä ğadättän tış xäl iğ’lan itelüen citkerde. Ul cinayät’çel törkemnär arasında räşätkä artında mondıy köç büleşü oçraqları çığuın ärnetüçe dip atadı. “Bu küreneş belän köräşü öçen täwge adımnarıbıznıñ berse – il külämendä törmälärdä ğadättän tış xäl kertü buldı,”-dide Lasso.

Êkvadorda törmädä bandalar arasında kiçä çıqqan bäreleşneñ videoların ul tirädä yäşäwçelär sośial’ mediada urtaqlaştı. Anda bik küp mäxkümneñ tübälärgä menüe kürenä, törmädän isä atu häm şartlaw tawışları işetelä.

Êkvadorda törmälärdä yaqınça 38 meñ mäxküm utıra häm alar arasında kilep çıqqan bäreleşlär qayçaq fetnägä äwerelä.  

İldä 24nçe fevral’dä 3 şähärdä ber ük waqıtta çıqqan fetnälärdä – 80, 23nçe iyül’dä isä ike törmädä başlanğan çualışlarda 21 mäxküm ülde.



Bäyläneşle xäbärlär