39 şaxtaçı qotqarıldı

Kanadada şaxtada qalğan 39 êşçene 3 könnän soñ çığardılar

1712463
39 şaxtaçı qotqarıldı

Kanadanıñ Sadberi şähärendäge şaxtada 26nçı sentyabr’dä çığa almıyça qalğan 39 êşçene 3 kön däwam itkän êşçänleklär näticäsendä qotqardılar. Ob’yektnıñ lift sisteması bozıla häm şaxtaçılar anıñ êçendä qala.  Alarnı basqıçlar yärdämendä çığardılar.

Şaxtanıñ xucası “Vale” şirkäteneñ citäkçese Êduardo Bartolomeo beldergänçä, êşçelär cir öslegennän 1 kilometr 200 metr tiränlektä qalğan bula. Alar qotqaru törkemeneñ yärdäme belän basqıç sistemasın qullanıp yuğarığa çığa.

Bartolomeo qotqarılğan şaxtaçılarnıñ barısınıñ xäle yaxşı buluın citkerde.

Şirkät 1258 metr tiränlektäge şaxtada êşçelärne taşuçı sistemanıñ bozıluı säbäple 39 keşeneñ cir astında qaluın, berkemneñ dä yaralanmawın beldrgän ide. Qazadan soñ şaxtaçılar sıyınu stanśiyäsenä kitte. Alarğa 3 kön buyı, aşaw-êçü häm kislorod cibärelep tordı.



Bäyläneşle xäbärlär