İnternettan alğan daruda - narkotik
AQŞta êlektron säwdä mäydannarında satıluçı darularnıñ ülemçel buluı açıqlandı

AQŞta sośial’ media häm êlektron säwdä mäydannarında taralğan yalğan darular belän bäyle kisätü çıqtı. İlneñ narkotiklarnı kontrol’dä totu idaräse yasağan belderüdä älege preparatlarnıñ êçendä ülemçel dozada fentamin häm metamfetamin buluı äytelä.
AQŞlı wäqalätlelär xalıqnı internet säxifälärennän reśeptlı darularnı satıp almasqa çaqırdı.
Narkotiklarnı kontrol’dä totu idaräse başlığı Ênn Milgrêm: “Xätär häm çiktän tış bäylelek tudıruçı ximik matdälär kergän yalğan darular, êlekkegä qarağanda, tağın da ülemçel häm qulay ireşelüçän,”-dide.
Laboratoriya analizları fentanillı här 5 yalğan darudan ikeseneñ ülemçel dozağa iyä buluın açıqladı.
AQŞta uzğan yıl çiktän tış zur dozada narkotik qullanudan ülüçelärneñ sanı 93 meñgä citte. Bu ildä xäzergä qadärge iñ yuğarı kürsätkeç buldı. Şuña da 2015nçe yıldan birle täwge tapqır xalıqnı kisättelär.
Yalğan darularnıñ kübese Meksikada yasala.
Bäyläneşle xäbärlär

UNAIDS kisätä: “SPİD krizisı arta ala”
UNAIDS AQŞnıñ fondlarnı özüeneñ SPİD fäläqäten arttıra aluın belderde