Öçençe dulqınnan çıqtıq

Kön’yaq Afrika cömhüriyätendä kizüneñ öçençe dulqını tögällänüe belderelde

1711631
Öçençe dulqınnan çıqtıq

Afrikada koronavirus oçraqları iñ küp kürelgän däwlät – Kön’yaq Afrika cömhüriyätendä kizüneñ öçençe dulqını tögällänüe belderelde.  

Milli yoğışlı awırular institutı ildä köndälek oçraqlar sanında kimüneñ däwam itüen häm bügen Kovid-19 testlarındağı pozitivlıq däräcäseneñ 3,8% däräcäsenä töşüen citkerde. “Xäzerge kürsätkeçlärgä qarağanda, öçençe dulqınnan çıqtıq,”-diyelä belderüdä.

Kön’yaq Afrika cömhüriyäte sälamätlek saqlaw ministrlığı soñğı 24 säğat’tä 578 keşeneñ Kovid-19 testı pozitiv çığuı belän bergä tulayım yoqtıru oçraqlarınıñ 2 million 897 meñ 501gä citüen belderde. Koronavirus säbäple soñğı täwlektä 164 keşeneñ ğomere özelgän, kizü başınnan birle älege san – 87 meñ 216.    



Bäyläneşle xäbärlär