Mindulle bik qırıs bulaçaq

Tın okeanda barlıqqa kilgän häm köçen arttırıp yulın däwam itüçe Mindulle öyermäseneñ Yaponiyägä taba baruı açıqlandı. Bu xaqta ilneñ meteorologiya agentlığı kisätte. Filippin diñgezendä xäräkät itüçe öyermä iñ kön’yaqtağı Okinotori-sima utrawına yünälgän.

Farazlarğa qarağanda, säğatenä 180 çaqrım tizlek belän baruçı dawıl 6-8 metr biyeklegendäge dulqınnar barlıqqa kiteräçäk. Alarnıñ utrawğa kiterep bärüe kötelä.

Öyermä utrawlar töbägendä ike kön xakimlek itäçäk. Soñınnan ul tön’yaq-könçığışqa taba kitep 1nçe oktyabr’dä başqala Tokioğa bäyle İzu utrawlarına yaqınlaşaçaq.

Yaponiya meteorologiya agentlığı Mindullenıñ ilneñ kön’yaq häm kön’yaq-könçığış öleşenä köçle cillär, biyek dulqınnar häm yawım-töşemnär kiteräçägen citkerde.