La Pal’ma utrawı afät töbäge dip iğ’lan itelde

Monıň nigezendä töbäkkä 10 million 500 meň yevro külämendä yärdäm bireläçäk

1711747
La Pal’ma utrawı afät töbäge dip iğ’lan itelde

İspaniyädäge sul koaliśiya xökümäte Kanar utrawları törkemennän La Pal’ma utrawın afät töbäge dip iğ’lan itte.

Mondıy qarar bügenge ministrlar şurası cıyılışında qabul itelgän.

Monıň nigezendä töbäkkä 10 million 500 meň yevro külämendä yärdäm bireläçäk.

La Pal’ma utrawında 50 yıldan soň aktivlaşqan berençe yanartaw bulğan Kumbre – V’yexa atıp çığarğan lavalar 21 çaqrımlıq yulnı qullana almaslıq xälgä kitergän.

 Lavalar astında qalğan 686 bina kölgä äwerelgän.

Kanar utrawları üzidaräle xökümäte başlığı Angel Viktor Torres vulkan êşçänlege tuqtağannan soň utrawdağı tuplam zıyan 400 million yevrodan artıp kitäçäk dip farazlıy.

Utrawda 5 meň 600 keşene êvakuaśiyälägännär.

Belgeçlär lavalar diñgezgä ağıp çıqsa, köçle şartlawlar bulaçaq häm ximik reakśiyälärdän çığaçaq gazlar töbäk keşeläre öçen qurqınıç tudıraçaq dip kisätä.

 



Bäyläneşle xäbärlär