"Qabul xalıqara aêroportı oçışlarğa äzer"

Bu xaqta Äfganstandağı waqıtlıça Taliban xökümäte belderde

1710888
"Qabul xalıqara aêroportı oçışlarğa äzer"

Äfganstanda kontrol’ne üz qulına alğan Taliban başqala Qabuldağı xalıqara Xamid Karzai aêroportında texnik problemalarnıñ beterelüen häm xalıqara reyslarnıñ yañadan torğızıluı turında belderde.

Äfganstanda waqıtlıça Taliban xökümäteneñ tışqı êşlär ministrlığı süzçese Abdul Kaxar Balxi bu xaqtağı yazma belderüendä xalıqara Xamid Karzai hawa mäydanınnan başqarılaçaq oçışlar qısalarında barlıq aviakompaniyälär belän xezmättäşlek itäçäklären äytte.

Balxi Äfganstandağı säyäsi üzgäreşlärneñ aviaśiya tarmağında özekleklär tudıruın häm hawa yulı transportınıñ waqıtlıça tuqtatıluın, êçke reyslarnıñ başlanırğa mömkinlegen belderde.

Taliban Äfganstanda kontrol’ne üz qulına alğannan soñ Amerika Quşma Ştatları ğaskärläre aêroporttan kitär aldınnan radar sistemalarına häm qayber cihazlarğa zıyan salu säbäple avgustta hawa mäydanınnan oçışlar tuqtatılğan ide.

 



Bäyläneşle xäbärlär