Awrupa illärenä sıyınırğa teläwçelär arta

Sıyınu möräcäğat’läre yılnıñ ikençe çiregendä 115%ka arttı

1710247
Awrupa illärenä sıyınırğa teläwçelär arta

Awrupa Berlege illärenä sıyınu möräcäğat’läre yılnıñ ikençe çiregendä 115%ka arttı.

Awrupanıñ Statistika ofisı Eurostat mäğlümatlarına kürä Awrupa Berlege illärenä 2020nçe yılnıñ ikençe çiregendä 48 370 bulğan berençe sıyınu möräcäğate sanı bu yılnıñ şul uq çorında 115%ka artıp, 103 895kä kütärelde.

İkençe çirektäge sıyınu möräcäğat’läre aldağı çirekkä kürä 9%ka üste. Awrupa Berlege illärenä berençe çirektä 95 265 sıyınu möräcäğate yasalğan ide.

Şul räweşle Awrupa Berlege illärenä ğıynwar-iyun’ aylarında barlığı 199 160 keşe berençe sıyınu möräcäğaten yasadı.

Awrupa Berlege illärenä bıyılnıñ ikençe çiregendä sıyınu möräcäğate yasawçılar arasında berençe urında süriyälelär buldı. Älege çorda barlığı 20 640 süriyäle xalıqara yaqlaw taläbe belän törle Awrupa Berllge illärenä sıyınu öçen möräcäğat’ itte. Süriyälelärdän soñ 13 860 möräcäğat’ belän äfğannar häm 4430 möräcäğat’ belän paqıstanlılar kilä.

Awrupa Berlegendä 2021nçe yılnıñ ikençe çiregendä iñ küp sıyınu möräcäğaten Germaniya aldı. Bu çorda Germaniyağa 29 545 keşe, Franŝiyağa 22 015 keşe häm İspaniyağa 12 335 keşe sıyınu öçen möräcäğat’ itte.

Ayıruça Awrupa Berlege illärenä ikençe çirektä 4240 yalğız bala sıyınu möräcäğaten yasadı. 



Bäyläneşle xäbärlär