"3 milliard keşe sawlıqsız tuqlana"

BMOnıñ 76nçı ğomum şurası utırışları qısalarında Azıq-tölek sammitı uzdı

1710069
"3 milliard keşe sawlıqsız tuqlana"

BMO ğomum särqatibe Antonio Guterriş dön’yada 3 milliard keşeneñ sawlıqlı rizıq belän tuqlanmawın belderde.

BMOnıñ 76nçı ğomum şurası utırışları qısalarında Azıq-tölek sammitı uzdı. Guterriş anda çığış yasap, här kön millionlağan keşeneñ aç kileş yoqlarğa yatuın xäterlätte. Şul uq waqıtta, citeşterelgän azıqnıñ öçtän bere israf itelä. Guterriş keşelekneñ tabiğat’ belän köräşep qul’turalar häm azıq çılbırına zarar birüen assızıqladı. “Parnik êffektı barlıqqa kiterüçe gazlarnıñ öçtän bere azıq-tölek sistemaları arqasında kilep çığa. Biotörlelek yuğalunıñ 80%ında da şul uq sistema ğayeple,”-dide Guterriş. Ul planetanı saqlawçı azıq-tölek sistemalarına ixtiyac barlığın iskärtte.  

“Tabiğat’ne saqlap ta üsüçe xalıq sanın tuqlandırırğa mömkin. Fermalardan başlap balıqçılıqqa qadär tabiğıy çığanaqlar aqıllı häm totrıqlı idarä itelergä tiyeş. Azıq-tölek sistemasınıñ üzgärüe kiräk,”-dip söyläde BMO ğomum särqatibe.



Bäyläneşle xäbärlär