Xusilärneñ dronın bärep töşerdelär

Soğud Ğaräbstanı citäkçelegendäge koaliśiyä köçläre Yämändäge xusilärneñ bomba quyılğan dronın yuqqa çığaruların belderde. Anı Soğud Ğaräbstanına yullağannar. Bombalı hawa apparatın ilneñ saqlanu sisteması kürep bärep töşerä.

Bu xaqta koaliśiyä köçläre Soğud Ğaräbstanı räsmi agentlığı SPA aşa belderde. Anda tınıç xalıqnı yaqlaw öçen kiräkle çaralarnıñ daimi küreläçäge dä äytelä.

Xusilär älegä bu turıda belderü yasamadı.

Kiçä dä oxşaş höcüm turında citkerelgän ide. Xusilär bomba quyılğan ike dronnı Soud Ğaräbstanına cibärä, alar da bilgelängän urınğa barıp citkänçe täêsirsez xälgä kiterelä.

İran tarafınnan yaqlanuçı xusilär yış qına Soğud Ğaräbstanınıñ kön’yaq töbäklärenä ballsitik raketa häm dronnar belän höcüm itä.