AQŞtan arakanlı möselmannarğa yärdäm

Amerika Quşma Ştatları arakanlı möselmannarğa tağın 180 million dollarlık yärdäm kürsätäçägen citkerde.

AQŞnıñ BMO daimi wäkile Linda Tomas Grinfild Berläşkän Millätlär Oyışmasınıñ 76nçe Ğomüm şura söyläşüläre qısalarında rohinca möselmannarınıñ wazğıyäte belän bäyle oyıştırılğan yuğarı däräcäle onlayn cıyılışta arakanlılarnıñ M’yanmada ozaq yıllar buyı êzärleklänüen häm üterelüen äytte.

M’yanmada fevral’ ayındağı xärbi tüntäreleştän soñ arakanlılar xäleneñ tağın da naçarayuın beldergän Grinfild Bangladeşka barlığı 990 meñ arakanlınıñ sıyınuın açıqladı.

Wäkil Grinfild AQŞnıñ roxinca möselmannarına tağın yaqınça 180 million dollarlık yärdäm kürsätäçägen, bu yärdämneñ 158 million dollarınıñ Bangladeştağı arakanlılarğa yärdäm öçen qullanılaçağın da assızıqladı.

BMOğa kürä 2017nçe yılnıñ 25nçe avgustınnan soñ Arakannan qaçarğa mäcbür qalğan häm Bangladeşka sıyınğan 700 meñnän artıq qaçaq bar.

Lager’lardağı qaçaqlarnıñ yartısı isä balalardan tora.