Yaponiya tağın da qartaydı

Yaponiyädä 65 yäş’tän ölkännärneñ sanı tulayım xalıqqa nisbätle 0,3%qa arttı häm 29,1% täşkil itte.

İlneñ êçke êşlär häm cämäğat’çelek belän êlemtä ministrlığı här yıl sentyabr’ ayınıñ öçençe düşämbesendä bilgeläp ütelüçe “Ölkännärgä xörmät köne” uñayınnan mäğ’lümatlar belän urtaqlaştı. Annan kürengänçä, Yaponiyädä 65 yäş’tän ölkännär sanı, uzğan yılğıdan, 220 meñ keşegä kübäygän. Andıylar xäzer barlığı 36 million 400 meñnän artıq. Bu kürsätkeç yaña rekord bularaq terkälde.

Yaponiyädä 65 yäş’tän ölkän ir-atlar 15 million 800 meñ tiräse, xatın-qızlar - 20 million yarımnan artıq.

Tikşerenülärgä qarağanda, 2040nçı yılda Yaponiyädä ölkännär il xalqınıñ 35,3%ın täşkil itäçäk.

Älege däwlät dön’yadağı iñ tiz qartayuçı illär arasına kerä. Yaponiyädä xatın-qızlarnıñ urtaça yäşe 87,74, ir-atlarnıqı - 81,64 bularaq terkälgän.