Litvinenkonıñ üterelüennän Rusiyä cawaplı totıldı

Awrupa keşe xoquqları mäxkämäse Angliyağa sıyınğan êlekke urıs şımçısı Aleksandr Litvinenkonıñ Rusiyä agentları tarafınnan ağu belän üterelüe näticäsenä kilde.

Awrupa keşe xoquqları mäxkämäse Litvinenkonıñ 2006nçı yılda Angliyada üterelüe xaqında tormış iptäşe açqan mäxkämä êşendä qararın açıqladı.

Mäxkämä Litvinenko üterelüeneñ Rusiyä agentları Andrey Lugovoy belän Dmitriy Kovtun tarafınnan oyıştırıluınıñ "bäxässez fakt” buluın belderde.

Qararda ike urıs agentınıñ ağulı matdäne üzläreneñ täêmin itü mömkinlekläreneñ bulmawı, Lugovoy häm Kovtunnıñ Rusiyä xakimiyäte tarafınnan idarä itelüe häm kontrol’dä totıluına qağılışlı kürsätkeçlärneñ buluı äytelde.

Awrupa keşe xoquqları mäxkämäse şul uq waqıtta Rusiyäneñ Litvinenkonıñ üleme belän bäyle çınbarlıqnı bilgele itäçäk häm cawaplılarnı xökemgä tartaçaq êffektiv êçke tikşerüne alıp barmawın belderde.

Kreml’ süzçese Dmitriy Peskov Awrupa keşe xoquqları mäxkämäse  qararınıñ “nigezsez” buluın alğa sörde.

Angliya küzläw oyışması (MI6) öçen êşlägän êlekke KGB şımçısı Aleksandr Litvinenko Londonda ber qunaqxanädä çäyenä quşılğan radioaktiv “Polonium-210” matdäsennän ağulanıp 2006nçı yılda 43 yäşendä häläq’ bulğan ide. Litvinenkonıñ üleme aldınnan 3 tapqır Lugovoy häm Kovtun belän oçraşuı bilgelängän, bu ike keşeneñ qalğan otel bülmäsendä häm kitkän urınnarında ağulı polonium matdäseneñ qaldıqlarınıñ oçratıluı açıqlanğan ide.