Küz bozılunı tuqtatuçı küzleklär

Qıtay ğalimnäre yıraqtan kürüneñ naçarayuın tuqtatu öçen maxsus küzlek uylap taptı. Anıñ linzalarına “bocra”lar urnaştırılğan. Älege konśentraśiyä bocraları yaqtılıqnı döres yünältep küreneşne tağın da anıq itü häm küz alması formasınıñ üzgärüen aqrınaytu öçen kiräk.

Qıtayda uzdırılğan ber tikşerenüdä köndä 12 säğat’ bu küzleklärne kigän 167 balanıñ yıraqtan kürüe naçarayuı 2 yıldan 70%qa aqrınaya. Belgeçlär bu ısulnıñ küz bozılunı kontrol’dä totu êşen caylaştıruın assızıqlıy.   

Küz alması ozınayğanda häm tügäräk formadan ovalğa äwerelgändä kürü naçaraya. Telefon êkranına ozaq qaraw häm yalğış pozada uqu bu problemanı tağın da tiränäytergä mömkin.

“Stellest” küzlekläreneñ başta Qıtay xastaxanälärendä äyläneşkä kerüe häm şunnan soñ başqa illärgä satıluı planlaştırıla.